Azərbaycan, Bakı, 8 sentyabr /Trend, müxbir A.Axundov/
Azərbaycanın daşınmaz əmlak bazarının investisiya cəlediciliyi iki ildən sonra artacaq. Bu barədə ekspert, MBA Group konsaltinq şirkətinin baş direktoru Nüsrət İbrahimov bidlirib.
"Hazırda daşınmaz əmlak bazarı sərmayədarlar üçün cəlbedici deyil. Belə vəziyyət hələ iki il davam edəcək", - İbrahimov deyib.
Onun sözlərinə görə, Azərbaycanın daşınmaz əmlak bazarının investisiya cəlediciliyi özünün ən yüksək həddinə 2003-2006-cı illərdə çatıb.
"Həmin dövrdə daşınmaz əmlaka qoyulan investisiyalar bir il ərzində öz dəyərinin 60-70 faizi qədər gəlir verdi. Bu, bank depozitlərindən bir qədər sərfəli idi. Ona görə də sərmayədarlar daşınmaz əmlak bazarına böyük vəsaitlər qoydular", - İbrahimov bildirib.
Onun sözlərinə görə, daşınmaz əmlaka qoyulan sərmayələrdən əldə olunan mənfəət bank depozit əmanətlərinin mənfəətindən iki dəfə aşağıdır.
"Son iki ildə bazar cəlbediciliyini itirib, çünki daşınmaz əmlaka qoyulan sərmayə 5-6 il ərzində daşınmaz əmlakın dəyərini doğrultmur. Daşınmaz əmlaka qoyulan sərmayələrdən əldə olunan mənfəət depozit əmanətlərinin mənfəətindən iki dəfə aşağıdır", - İbrahimov bildirib.
