Azərbaycan, Bakı, 14 sentyabr /Trend, müxbir S.Süleymanov/
Qazaxıstan bu il Gürcüstana 300 min tondan 500 min tona qədər taxıl tədarük etməyi planlaşdırır. Bu barədə çərşənbə axşamı Trend-ə "Prodkorporasiya" SC MŞ-nin ticari məsələlər üzrə idarəçi direktoru Daulet Uvaşev məlumat verib.
"300 mindən 500 min tona qədər Qazaxıstan taxılını Gürcüstana tədarük etməyi planlaşdırırıq. Bu, Azərbaycan üçün təyin olunmuş həcmdən ayrıdır", - Uvaşev deyib.
O vurğulayıb ki, Qazaxıstan taxılı Gürcüstana üç marşrut üzrə nəql edilir. Birinci, dəmiryolla Rusiya vasitəsilə Gürcüstana qədər, ikincisi, bərə ilə Xəzər dənizi vasitəsilə, üçüncüsü, dənizlə Aktau limanı vasitəsilə Bakı limanına qədər və oradan Gürcüstana.
"Gürcüstan üçün nəzərdə tutulmuş Bakı limanı vasitəsilə göndərilən buğda Qazaxıstan-Azərbaycan taxıl terminalında dəyirman kompleksində hazırlanaraq, un şəklində Gürcüstan bazarına tədarük olunacaq", - Uvaşev deyib.
Bundan əvvəl deyildiyi kimi, bu il Qazaxıstan 13,5 milyon ton həcmində taxıl yığmağı planlaşdırır. İxrac potensialı 8 miyon ton təşkil edir ki, bunun da bir milyonu Azərbaycan üçün nəzərdə tutulub.
