Azərbaycan, Bakı, 25 sentyabr /Trend, müxbir A.Axundov/
Avqustda Bakının tikinti materialları bazarında qiymətlər iyulla müqayisədə 4,7% bahalaşıb. Bu barədə cümə günü "Əmlak Bazarı İştirakçıları" İctimai Birliyindən məlumat verilib.
Ötən ay ərzində təşkilatın ekspertlərinin araşdırma mövzusu 38 adda 88 çeşiddə olan inşaat materialları olub. Onların 35 növünün qiymətində bahalaşma müşahidə edilib, yalnız 1-nin qiymətində ucuzlaşma qeydə alınıb.
Plastik boruların qiyməti 0,32 faiz düşüb. Digər inşaat materiallarının qiymətləri sabit qalıb. Yerli bazarda 54,55 faiz mal istehsal olunub, 45,45 faizi isə idxal olunub.
Avqustda ötən rüblə müqayisədə qiymətlərdə fərq +1,7 faiz, yanvarla müqayisədə +21,4 faiz təşkil edib. Ötən ilin analoji dövrü ilə müqayisədə qiymətlərdə 16,9 faizlik artım müşahidə olunub.
Son aylar bazarda müşahidə olunan alıcı passivliyi bir sıra inşaat materiallarının alqı-satqısında fəallığın artması ilə əvəz olunub.
"Rusiyada davam edən meşə yanğınları səbəbindən, oradan ağac materiallarının idxalının azalması, eləcə də daşqınlardan ziyan çəkən Sabirabadda və digər rayonlarda təmir və tikinti işlərinin aparılması inşaat materiallarının bu növünün qıtlığına səbəb olub və məhsulun bu növünün qiymətinin kəskin artmasına gətirib çıxarıb", - məlumatda deyilir.
Avqustda aşağıdakı inşaat materialları bahalaşıb (faizlə):
|
Ağac |
+22,73 |
Şüşə |
+4,71 |
|
Dikt |
+2,30 |
Günyə |
+13,92 |
|
DSP |
+3,13 |
Şveller |
+2,03 |
|
DVP |
+12,0 |
Bopular |
+3,21 |
|
Armatur |
+3,65 |
Penoplast |
+6,67 |
|
Şifer |
+1,08 |
Sink qatları |
+0,60 |
|
Katanka |
+8,57 |
Dam örtükləri |
+6,78 |
|
Laminat-parket |
+9,09 |