Azərbaycan, Bakı, 1 oktyabr /Trend, müxbir A.Axundov/
2011-ci ildə Azərbaycanın Dövlət Sosial Müdafiə Fondunun (DSMF) gəlirləri və xərclərinin 13,14 faiz artımla 1970,540 milyon manat səviyyəsində olacağı proqnozlaşdırılır. Bu barədə Fondun rəsmi saytında dərc olunmuş büdcə layihəsində bildirilir. Cümə axşamı gələn il üçün büdcə paketi, eləcə də DSMF-nin büdcə layihəsi Milli Məclisə təqdim olunub.
Cümə axşamı Parlamentin payız sessiyasının ilk iclasında spiker Oqtay Əsədov bildirib ki, Azərbaycan Prezidenti İlham Əliyev qanun layihəsini və onunla bağlı sənədlər paketini Azərbaycan Parlamentinə təqdim edib.
Proqnozlara görə, sosial fondun gəlirləri, əsasən, məcburi dövlət sosial sığorta haqları üzrə 1 277,04 milyon manat səviyyəsində daxilolmalar hesabına formalaşır.
Strukturda büdcə təşkilatlarından sosial siğorta haqları üzrə daxilolmalardan gəlirlər 67,7 milyon manat, büdcə təşkilatları əməkdaşlarından - 7,5 milyon manat, dövlətin ayırdığı subsidiyalardan, büdcə təşkilatlarının büdcədənkənar vəsaitləri hesabına daxilolmalar 705,54 milyon manat və digər sosial sığortalanmalardan 32,4 milyon manat təşkil edib.
Eyni zamanda, sahibkarlıq fəaliyyəti ilə məşğul olan fiziki şəxslərdən məcburi dövlət sosial sığorta haqları üzrə daxilolmalar 1,5 milyon manat, digər gəlirlər isə 691 milyon manat həcmində olacaq.
2011-ci il üzrə proqnozlarda strukturda fondun xərcləri 1 917, milyon manat, ümumilikdə, əhaliyə ödəmələrə, eləcə də əmək pensiyalarının ödənilməsinə 1 317,13 milyon manat (bu zaman əmək pensiyalarının baza hissəsi 64,55 milyon manat, sığorta hissəsi 21,2 milyon manat) ayrılması nəzərdə tutulub. Dövlət məcburi sosial sığorta ayırmaları hesabına müavinətlərin ödənilməsi 21,35 milyon manat səviyyəsində proqnozlaşdırılır.
Dövlət Sosial Müdafiə Fondunun büdcəsinə görə, əhalinin pensiyalarının və digər sosial ödənişlərinin təmin olunması üzrə xidmətlər üçün bank xərcləri 130 min manat, Azərbaycanın Həmkarlar İttifaqları Konfederasiyasının xətti ilə kurort-müalicə tədbirləri üzrə xərclər 110 min manat nəzərdə tutulub.
İşsizliyə görə müavinətlərin ödənilməsi üçün 10,28 milyon manat, əlillərin sosial müdafiəsinin təmin olunması üçün 5 milyon manat, hamiləliyə görə 10,4 milyon manat, uşaq doğulmasına görə 4,35 milyon manat, dəfn xərcləri 13,09 milyon manat, 3 yaşadək uşaqlara qulluğa görə 16,5 milyon manat həcmində proqnozlaşdırılıb.
Dövlət Sosial Müdafiə Fondu aparatının və onun orqanlarının saxlanması üçün 400 min manat ayrılması planlaşdırılır.
