Azərbaycan, Bakı, 7 oktyabr /Trend, müxbir İ.Xəlilova/
2011-ci ilə gömrük yığımlarının proqnozu Dövlət Gömrük Komitəsi (DGK) üçün 1,120 milyard manat səviyyəsində müəyyən edilib ki, bu da 2010-cu ilin göstəricilərini 1,8 faiz (20 milyon manat) ötür. Bu barədə cümə axşamı DGK-nın Maliyyə-Tarif və Valyuta Nəzarəti Baş İdarəsinin rəisi Mirqasım Vahabov deyib.
"Gələn il gömrük vergiləri və rüsumlarının artım proqnozu Azərbaycana idxal edilən mallar üzrə proqnozun 2010-cu il səviyyəsində saxlanılması fonunda müşahidə edilir ki, bu da normal hesab edilir", - Vahabov qeyd edib.
Onun sözlərinə görə, Azərbaycanda bir milyondan çox yeni iş yeri yaradılıb və istehsal və emal müəssisələrin açılması sayəsində yerli bazarda idxal edilən mallara bənzər malların istehsalı başlayıb ki, bu da həm Azərbaycan bazarını təmin etməyə, həm də bu məhsulu xarici ölkələrə ixrac etməyə imkan verir.
"Buna uyğun olaraq, ölkə əhalisinin tələbatı təkcə idxal sayəsində deyil, həm də yerli istehsallı mallar sayəsində ödənilir, - Vahabov bildirib. - Bu baxımdan ölkənin idxaldan asılılığı azalır".
Buna baxmayaraq, 2010-cu ilin səkkiz ayı ərzində Azərbaycan 4,022 milyard dollar məbləğində mal idxal edib ki, bu da 2009-cu ilin analoji dövrü ilə müqayisədə 4,11 faiz (0,159 milyard dollar) çoxdur.
"Malların idxalı artsa da, onun strukturunda dəyişikliklər müşahidə edilməkdədir", - Vahabov qeyd edib.
Onun sözlərinə görə, hesabat dövründə azad iqtisadi zona haqqında sazişin imzalandığı ölkələrdən Azərbaycana idxal edilən malların xüsusi çəkisi idxalın ümumi həcmində 22 faiz təşkil edib. İdxalda bütün azadolmaların payı 50 faizə yaxın olub.
"Gömrük ödənişlərindən azadolmə həyata keçirilən dövlət proqramları - elektrik stansiyalarının tikintisi, turizmin inkişafı üçün mal və avadanlıqların idxalı zamanı tətbiq edilir, - Vahabov vurğulayıb. - Bununla əlaqədar olaraq, bu il azadolmaların xüsusi çəkisi ötən ilin səviyyəsində qalır".
Onun sözlərinə görə, bununla belə, əsas tərkib hissəsini yeni müəssisələrin açılması, müasir texnologiyaların tətbiqi ilə bağlı gətirilən avadanlıqların təşkil etdiyi idxalın strukturuna yenidən baxmağa ehtiyac duyulur.
"Gömrük tarifi haqqında" qanuna uyğun olaraq, avadanlığa mal nomenklaturası üzrə gömrük rüsumu sıfır dərəcəsi və ya 0,5 faiz qoyulur. "Gələcəkdə ölkədə iqtisadi inkişaf templəri nəzərə alınmaqla, biz həyata keçirilən dövlət proqramları çərçivəsində avadanlıq idxalının gömrük rüsumlarının sıfır dəcəyə qədər azaldılması imkanını nəzərdən keçirmək niyyətindəyik", - Vahabov deyib.
Üç rüb ərzində DGK gömrük yığımları üzrə planı 100 faiz yerinə yetirib, dövlət büdcəsinə proqnozlaşdırıldığı kimi, 730 milyon manat vəsait köçürülüb.
Oktyabrın 7-nə olan rəsmi məzənnə 0,8021 AZN/USD təşkil edir.
