Qazaxıstan, Astana, 5 noyabr /Trend, müxbir A.Maratov/
Azərbaycanda İxracın və İnvestisiyaların Təşviqi Fondunun (AZPROMO) Qazaxıstanda nümayəndəliyinin açılması təşəbbüsü birmənalı olaraq dəstəklənməlidir. Bu barədə Trend-ə cümə axşamı Astanada keçirilən Azərbaycan-Qazaxıstan hökumətlərarası komissiyasının yeddinci iclasının yekunları üzrə Azərbaycanın sənaye və energetika naziri Natiq Əliyev deyib.
"Biz Azərbaycan investisiyalarının və sahibkarlarının Qazaxıstan iatisadiyyatında iştirakında maraqlıyıq", - Əliyev qeyd edib.
Bu günə AZPROMO-nun yeganə nümayəndəliyi Tbilisidə fəaliyyət göstərir.
Nazirin sözlərinə görə, Astanada hökumətlərarası komissiyanın yeddinci iclasında Qazaxıstanda iş üçün Azərbaycanın biznes strukturlarını kreditləşdirə biləcək Azərbaycan banklarından birinin filialının açılması imkanı müzakirə edilib.
"BTB Bank" Qazaxıstanın bank bazarına çıxışı planlaşdırır. Bankdan xaricdə törəmə bankın açılması ilə bağlı informasiyanı açıqlamaqdan hələ ki imtina ediblər.
"BTB Bank" Qazaxıstanın bank bazarına çıxacaq ilk Azərbaycan bankı olacaq. Azərbaycan bazarında hələ ki Qazaxıstan bankları təmsil olumayıb, lakin "Xalık Bank" "Turan Aləm Bank" buna maraqlarını bildiriblər.
Aktauda filial açmaq üçün əvvəlcə Azərbaycan bankının sənədlərini öyrənəcək Qazaxıstanın Maliyyə Nəzarəti üzrə Agentliyinin razılığı lazımdır.
