Azərbaycan, Bakı, 15 noyabr /Trend, müxbir N.İsmayılova/
İstehlak mallarının qiyməti və xidmət tarifləri 2010-cu ilin oktyabr ayında ötən aya nisbətən 0,9 faiz, yanvar-oktyabrda 2009-cu ilin müvafiq dövrü ilə müqayisədə 5,3 faiz artıb. Bu barədə şənbə günü Dövlət Statistika Komitəsindən bildirilib.
Ərzaq məhsullarının qiyməti oktyabrda 1,4 faiz, qeyri-ərzaq mallarının qiyməti 0,9 faiz, xidmət tarifləri isə 0,2 faiz ucuzlaşıb.
Cari ilin yanvar-oktyabr aylarında 2009-cu ilin yanvar-oktyabr ayları ilə müqayisədə ərzaq məhsullarının qiyməti 6,2 faiz, qeyri-ərzaq mallarının qiyməti 2,1 faiz, xidmət sahəsində tariflər isə 5,2 faiz artıb.
Oktyabrda mövsümi dəyişikliyə məruz qalan (meyvə və tərəvəz) məhsul və xidmətlər çıxılmaqla, istehlak qiymətlərinin baza indeksi və dövlət tərəfindən tənzimlənən qiymətlər ötən ayla müqayisədə 0,7 faiz, il ərzində isə 2009-cu ilin yanvar-oktyabr ayları ilə müqayisədə 3,1 faiz artıb.
