Azərbaycan, Bakı, 13 dekabr/Trend, müxbir Ü.İsmayılova/
Azərbaycanın sığorta şirkəti "Alfa Sığorta" ASC yaxın perspektivdə həyat sığortası bazarına çıxmaq niyyətində deyil. Bu barədə bazar ertəsi "Alfa Sığorta" şirkətinin Direktorlar Şurasının sədri Xəyal Məmmədxanlı deyib.
"2011-ci ilin planlarına Life-sığorta üzrə ixtisaslaşmış şirkətin yaradılması daxil deyil", - Məmmədxanlı qeyd edib.
Onun sözlərinə görə, şirkət bu gün həyat sığortası üçün lisenziyaya malik deyil. "Sığorta haqqında" qanuna əsasən, bu növ fəaliyyətlə xüsusi yaradılan şirkətlər məşğul ola bilərlər. Həyat sığortası üzrə icazəyə malik şirkətlər bu növ fəaliyyətlə 2011-ci ilin martınadək məşğul ola bilərlər.
"Şirkət sığortanın bu növünün gələcəkdə tətbiqi üçün yalnız yaxın vaxtlarda onun inkişaf vəziyyətini təhlil etmək niyyətindədir", - Məmmədxanlı bildirib.
Onun fikrincə, bu gün xidmətin bu növünün inkişafına böyük tələbat var. Avropa ölkələrində onun sığorta bazarının portfelində payı 50 faizi ötür. Azərbaycanda bu göstərici 15 faiz təşkil etsə, bu, böyük nailiyyət olar.
"Sığortanın bu növü ayrı-ayrı qanunlarla müşayiət edilsə, vergi güzəştləri ayrılsa, əlavə stimullaşdırıcı tədbirlər görülsə, şirkətlər tərəfindən investisiyalar həyata keçirilsə, Azərbaycanın sığorta bazarında fəal inkişaf edə bilər, bu isə əhalinin eimadını artırmağa imkan verər", - Məmmədxanlı hesab edir.
Hazırda Azərbaycanda life-sığortada ixtisaslaşan iki şirkət - "Atəşgah həyat" və "Qala həyat" fəaliyyət göstərir.
Alfa Sığorta" ASC-nin yeganə təsisçisi 2006-cı ilin dekabrında şirkətin səhmlərinin 100 faizini alan yerli "Texnikabank" ASC-dir. Şirkətin nizamnamə kapitalı 3,1 milyon manat təşkil edir. "Alfa Sığorta"nın 30 növ sığorta xidmətinin, o cümlədən altı icbari və 24 könüllü növün göstərilməsinə lisenziyası var.
