Azərbaycan, Bakı, 27 dekabr / Trend, müxbir Ü.İsmayılova /
Azərbaycanda yalnız həyat sığortası ilə məşğul olan ikinci şirkət - "Qala Həyat" özünün ilk müqaviləsini bağlayıb . Bu barədə bazar ertəsi şirkətin idarə heyətinin sədri Abbas Babayev mətbuat konfransında deyib.
"Müqavilə digər sığorta şirkəti "Qarant Sığorta" ilə istehsalatda bədbəxt hadisələr və peşə xəstəlilkləri nəticəsində əmək qabiliyyətinin itirilməsi üzrə icbari sığorta xidmətlərinin göstərilməsi üçün bağlanılıb", - Babayev bidlirib.
Müqavilənin məbləği açıqlanmır.
"Qala Həyat" şirkəti gələcəkdə öz portfelinin təkcə icbari deyil, həm də könüllü sığorta növləri üzrə genişləndirmək fikrindədir. "Qala Həyat" 2011-ci ilin sonunadək ölkədəki həyat sığortası bazarının 20 faizini əhatə etmək fikrindədir.
"Qala Həyat" şirkəti "Qala Sigorta" şirkətinin fəaliyyətinin yenidən qurulması əsasında yaradılıb.
Hazırda şirkətin nizamnamə kapitalı 3,5 milyon manat təşkil edir. Babayev deyib ki, lakin bundan sonra kapitalın səhmdarların vəsaitləri hesabına arıtılacağı gözlənilir.
Sığorta (təkrar sığorta) şirkəti və sığorta brokeri olan "Qala Sığorta" ASC 2008-ci il iyulun 31-də ölkənin Maliyyə Nazirliyindən sığorta fəaliyyəti göstərmək üçün lisenziya alıb.
Şirkətin təsisçisi Azərbaycanda yeganə təkrar sığorta şirkəti olan "AzRe Təkrar Sığorta"dır.
"Qarant Sığorta" ASC 2007-ci ilin noyabrında ölkənin Maliyyə Nazirliyindən sığorta fəaliyyəti göstərmək üçün lisenziya alıb. "Qarant Sığorta" ZQAN Holdings-in tərkibinə daxildir. Şirkət sığortanın 18 könüllü və 4 icbari növü üzrə xidmət göstərir.
Dekabrın 27-nə rəsmi məzənnə 0,7985 AZN/USD təşkil edib.
