Azərbaycan, Bakı, 28 dekabr /Trend , müxbir Ü.İsmayılova/
Noyabrda Bakının avtomobil bazarında mövsüm üçün xarakterik olmayan passivlik müşahidə olunub. Bu barədə çərşənbə axşamı "Əmlak Bazarı İştirakçıları" İctimai Birliyindən bildirilib.
Son üç ildə bazarda tələb üzrə liderliyi "Mercedes Benz" markalı avtomobil saxlayıb, həmin markalı avtomobillərin bazarda payı 37,5 faiz təşkil edir.
"İlin sonuna təkliflərin kəskin artımı səbəbindən Bakının avtomobil bazarında passivlik müşahidə olunur", - məlumatda deyilir.
Noyabrda köhnə avtomobillərin hesabına Bakının avtomobil bazarında təkliflərin 43,2 faizlik artımı müşahidə olunub, real tələb üzərində təkliflərin artım tendensiyası da dərinləşib. Avtomobillərin alqı-satqısı üzrə sövdələşmələrin azalması da baş verib. Noyabrda avtomobillərin orta qiyməti əvvəlki ayla müqayisədə dəyişməyib və 15 209 dollar təşkil edib.
Noyabrda bazarda müşahidə olunan passivlik avtomobillərin ekspozisiya müddətinin artmasına gətirib çıxarıb. Avtomobillərin likvidlik əmsalı son üç il ərzində ən aşağı səviyyəyə çatıb.
Son ay ərzində təkrar avtomobil bazarında 14 400-ə yaxın avtomobil araşdırma predmeti olub ki, onlardan yalnız 25,7 faizi noyabrda təklif olunub, yerdə qalan 74,3 faiz isə əvvəlki ayın payına düşür. İdxalın azalması ilə yanaşı, bazarda passivlik alıcılıq qabiliyyətinin və tələbin kəskin azalması ilə bağlıdır.
Son beş ayda Bakıda müşahidə olunan köhnə avtomobillərin kütləvi axın tendensiyası noyabrda daha kəskin xarakter alıb ki, nəticədə ən yüksək təklif əmsalı qeydə alınıb.
Bakının avtomobil bazarında artıq üç ildir liderlik edən "Mercedes-Benz" alman markalı avtomobillərin payı noyabrda bazarın ümumi portfelinin 37,2 faizini təşkil edib. Təkliflərin ümumi portfelində bu markanın payı noyabrda 22,7 faiz olub.
Ümumilikdə Bakıda ən populyar 9 markanın təklif üzrə payı 85,6 faiz təşkil edib. Yerdə qalan 14,4 faiz isə 20-dən artıq şirkətin istehsalı olan 80-ə yaxın avtomobil markasının payına düşür.
"Eləcə də, ekspertlərin proqnozlarına görə, yaxın gələcəkdə 2003-cü ildə buraxılan avtomobillərə üstünlük veriləcək", - məlumatda deyilir.
Ümumi cədvəldə noyabrda Bakının təkrar avtomobil bazarında maşınların buraxılış illəri üzrə təkliflər göstərilib:
|
Buraxılış ili |
Oktyabr |
Noyabr |
Dəyişiklik (%-lə) |
|
1990-1991 |
324 |
774 |
138,9 |
|
1992-1993 |
431 |
934 |
116,7 |
|
1994-1995 |
820 |
1313 |
60,1 |
|
1996-1997 |
1434 |
1885 |
31,5 |
|
1998-1999 |
1628 |
2202 |
35,3 |
|
2000-2001 |
1376 |
1951 |
41,8 |
|
2002-2003 |
1221 |
1654 |
35,5 |
|
2004-2005 |
1076 |
1401 |
30,2 |
|
2006-2007 |
981 |
1223 |
24,7 |
|
2008-2009 |
781 |
1085 |
38,9 |