Azərbaycan, Bakı, 15 yanvar /Trend,müxbir N.İsmayılova/
Vergilər naziri Fazil Məmmədovun sərəncamı ilə dövlət büdcəsinin hesabına maliyyələşdirilən investisiya layihələri çərçivəsində və həmçinin dövlət vəsaiti və dövlət zəmanəti altında kreditlər hesabına alınan mallarla (işlər,xidmətlər) bağlı keçirilən tender qalibləri ilə bağlanan sazişlər üzrə müvafiq göstəriciləri əks etdirən doldurma forma və qaydaları təsdiq olunub. Bu forma 50 mindən çox dəyəri olan müqavilələrə şamil olunur.
Səhmlərinin 50 faizdən çoxu dövlətə məxsus olan büdcə təşkilatları və hüquqi şəxslər bu formada məlumatı göstərilən sazişin imzalanmasından sonra bir ay ərzində qeydiyyatdan keçdikləri vergi orqanlarına verməlidirlər.
Həmçinin göstərilən sazişlər üzrə məlumat verməyə borclu olan büdcə təşkilatları və hüquqi şəxslərin ilkin siyahısı müəyyən olunub və yerli vergi orqanlarına qeydiyyat üçün göndərilib.
İnformasiya formasının tətbiqi tenderdə iştirak edən və qalib olan vergi ödəyicilərinin fəaliyyəti üzərində vegi nəzarətinin gücləndirilməsi, onların yerinə yetirdikləri vergi öhdəliklərinə nəzarət və fəaliyyətlərinə şəffaflığın təminatı məqsədini daşıyır.
Yanvarın 15-nə olan rəsmi məzənnə 0,7974 AZN/USD təşkil edir.