...

Azərbaycan paytaxtında tikinti üzərində dövlət nəzarəti tədbirləri gücləndirilib

Biznes və iqtisadiyyat xəbərləri Materials 24 Yanvar 2011 16:31 (UTC +04:00)

Azərbaycan, Bakı, 24 yanvar /Trend, müxbir Ü.İsmayılova/

Paytaxtda tikinti obyektlərinin yerləşməsi əsasları haqqında Bakı şəhər İcra Hakimiyyəti başçısının sərəncamı Bakıda tikinti üzərində dövlət nəzarətinin gücləndirilməsi məqsədini daşıyır. Ekspert, "MBA Group" konsaltinq şirkətinin baş direktoru Nüsrət İbrahimov belə hesab edir.

"Obyekt tikintisi zamanı normativ tələbləri təsdiq edən sənədlərin təqdim olunması əvvəllər də tələb olunub. Görünür ki, İcra Hakimiyyəti bu tələblərə qeyri-ciddi yanaşan tikinti şirkətlərinə xəbərdarlıq etməyi qərara alıb", - İbrahimov hesab edir.

Azərbaycanda tikintiyə icazənin verilməsi prosedurlarının təkmilləşməsi, obyektlərin layihələşdirilməsi prosesinin ilkin mərhələsi, həmçinin torpaq sahələrinin ayrılması məqsədilə Bakı şəhər İcra Hakimiyyəti tərəfindən Bakıda tikinti obyektlərinin yerləşməsi əsasları haqqında sərəncam verilib. Bu barədə Azərbaycan Dövlət Şəhərsalma və Arxitektura Komitəsindən məlumat verilib.

İcra Hakimiyyətinin sərəncamına əsasən, Bakı şəhər Memarlıq və Şəhərsalma Baş İdarəsinə yeni obyektlərin tikintisi zamanı müvafiq sənədlərin olmaması və onlara dəyişiklik edilməsinin vacibliyi zamanı normativlərə uyğun olaraq şəhərsalma üzrə sənədlərin hazırlanmasını tələb etmək həvalə olunub.

Bakı şəhər İcra Hakimiyyətinin başçısı mövcud sərəncamı 2010-cu il dekabrın 22-də imzalayıb.

Xəbər lenti

Xəbər lenti