...

İran Azərbaycanla dəmiryol nəqliyyatı sahəsində əməkdaşlığı genişləndirmək niyyətindədir

Biznes və iqtisadiyyat xəbərləri Materials 9 Fevral 2011 15:18 (UTC +04:00)

Trend-i buradan izləyin

Azərbaycan, Bakı, 9 fevral /Trend, müxbirlər T.Cəfərov, E.İsmayılov/

Azərbaycan və İranın dəmiryol idarələri 2011-cu ilin sonunadək hələ sovet dövründə tərəflər arasında imzalanan dəmiryol sazişinin yenilənmiş variantını imzalamağı planlaşdırır. Bu barədə çərşənbə günü Trend-ə "İran Dəmir Yolları" İdarəsinin Beynəlxalq əlaqələr şöbəsinin rəhbəri Abbas Nazari məlumat verib. Bu məsələ üzrə memorandum dünən Tehranda iki ölkənin dəmir yol administrasiyası rəhbərlərinin görüşündə imzalanıb.

Ekspertlər artıq bu sənədin ilkin variantını hazırlayıblar.

"Bu sənədə yekun vurmaq barədə razılığa gəlmişik", - Nazari qeyd edib.

Onun sözlərinə görə, saziş qatarların hərəkət etməsi, təmir işlərinin aparılması və vaqonların qaytarılması ilə bağlı məsələləri əks etdirir.

Fevralın 7-8-də Tehranda Qəzvin - Rəşt - Astara (İran) - Astara (Azərbaycan) dəmir yolunun tikintisi çərçivəsində Azərbaycan, İran və Rusiyanın dəmir yolları idarələrinin nümayəndələri arasında keçirilən danışıqların gedişində İran tərəfi Azərbaycana sürət qatarları və onların texnologiyalarının istehsalını da təklif edib.

Nazarinin sözlərinə görə, Azərbaycan tərəfə qısa məsafə üzrə saatda 120 kilometr sürətlə hərəkət edən "Railbаus" sərnişin qatarlarını da təklif edib. Bu qatarlar İranda Koreya mütəxəssisləri ilə birgə istgehsal olunur və beynəlxalq standartlara tam cavab verir.

"Biz Azərbaycan tərəfi ilə danışıqlarda qeyd etdik ki, bu markadan olan qatarları satmağa, həm də onların istehsal texnologiyalarını Azərbaycan tərəfinə verməyə hazırıq", - Nazari qeyd edib.

Onun sözlərinə görə, İranın dəmir yollarının nümayəndələri Almaniyadan idxal olunan texnologiyalar əsasında İranın "Vaqon Pars" şirkəti tərəfindən istehsal olunan tranzit qatarlar da təklif olunub. Belə qatarların hərəkət sürəti saatda 160 kilometr təşkil edir. Bu məsələdə İran tərəfi Azərbaycana qatarların həm satışını, həm də onların istehsal texnologiyalarının ixracını mümkün hesab edir.

"Bu qatarlar keyfiyyətinə görə, Almaniyada istehsal olunanlardan heç nə ilə fərqlənmir", - o, qeyd edib.

İranda elektrik enerjisi və işçi qüvvəsi Almaniyadakından ucuz olduğuna görə, bu vaqonların istehsalı da ucuz başa gəlir. Bu məsələ üzrə müzakirələr həm yük, həm də sərnişin qatarlarına aiddir.

Nazarinin qeyd etdiyi kimi, Azərbaycan və İran tərəfləri arasında təcrübə mübadiləsi haqqında razılaşma da əldə olunub. Tərəflərdən hər biri müəyyən təcrübəyə malikdir. İki ölkənin ekspertləri müzakirələr aparacaq cə bu əməkdaşlıq prosesinin davam etdiriləcəyi istiqamətləri müəyyənləşdirəcəklər.

"Azərbaycan və İran dost ölkələrdir. Biz Azərbaycanla münasibətlərin inkişafında maraqlıyıq. Ümid edirəm ki, Qəzvin-Rəşt-Astara-Astara dəmir yolu ən qısa müddətdə tikiləcək və ölkələr arasında münasibətlər daha da inkişaf edəcək. Bu yolun tikintisi hər iki tərəfin xeyrinədir", - Nazari deyib.

Çərşənbə axşamı Azərbaycan, Rusiya və İranın nəqliyyat administrasiyalarının nümayəndələri Şimal-Cənub nəqliyyat dəhlizinin əsas tərkib hissəsi olan yeni dəmir yolunun tikintisi çərçikvəsində birgə müəssisənin (BM) yaradılması haqqında saziş imzalayıblar. BM-nin baş ofisi Moskvada, filialları isə Bakıda və Tehranda yerləşəcək. Bu layihənin həyata keçirilməsi 400 milyon dollar həcmində yatırımları nəzərdə tutur.

Xəbər lenti

Xəbər lenti