Azərbaycan, Bakı, 4 mart /Trend, müxbir N.İsmayılova/
Azərbaycan sığorta şirkəti "PAŞA Sigorta" regionda şirkətin kapitallaşmasının ciddi artırılması hesabına reallaşdırılacaq sığorta biznesi modeli qurmaq fikrindədir. Bu barədə cümə günü strukturun idarə heyətinin sədri Nofəl Rzayev bildirib.
"Bu planların reallaşdırılması şirkətin kapitalının həm 2010-cu iliin fəaliyyətinin yekunları, həm də səhmdarların əlavə vəsaitləri hesabına ciddi şəkildə artırılması hesabına həyata keçiriləcək", - Rzayev bildirib.
O, şirkətin əlavə kapitallaşması həcmlərini açıqlamayıb, lakin bildirib ki, bu proses artıq başlayıb. Hazırda "PAŞA Sigorta"nın nizamnamə kapitalı 20 milyon manat təşkil edir.
Onun fikrincə, şirkət nizmnamə kapitalının (kapitallaşma prosesinin başa çatması üzrə) və "PAŞA Sigorta" şirkətinin öz kapitalının belə həcmi ilə təkcə Azərbaycan miqyasında deyil, ölkənin hüdudlarından kənarda da müəyyən fəaliyyətlərə iddia edə bilər.
"Biz maliyyə gücümüzü Rusiya və Qazaxıstanın aparıcı sığorta şirkətlərinin gücü ilə müqayisə edə bilərik", - Rzayev bildirib.
Rzayev həmçinin deyib ki, maliyyə bazasının möhkəmləndirilməsi sığorta şirkətinə maddi-texniki bazanı gücləndirməyə və müştərilərə daha yaxşı xidmət etməyə, peşəkar kadrların artımı hesabına öz daxili potensialını gücləndirməyə, şirkət tərəfindən qəbul edilən təkrarsığorta həcmlərini artırmağa və investisiya fəaliyyətini yaxşılaşdırmağa imkan verir.
Onun sözlərinə görə, sığorta şirkəti iki mənbədən - sığorta və təkrar sığortadan, investisiya fəaliyyətindən qazanc götürən biznesdir.
"Lakin Azərbaycanda sığorta şirkətləri kifayət qədər kapitallaşmayıblar, şirkətlərin resursları çox azdır. Və onlar hətta banklar üçün maraqlı deyillər, halbuki Qərbdə sığorta sektoru depozit və qiymətli kağzı yatırımları üçün ciddi mənbələrdən biridir", - Rzayev bildirib.
Azərbaycanın sığorta şirkətləri öz investisiyalarını əsasən bank depozitlərinə və dövlət qiymətli kağızlarına yatırırlar.
"Paşa Sığorta" "Paşa Holdinq" qrupunun üzvüdür və sığortanın 31 növü üzrə korporativ və fərdi müştərilərə xidmət göstərir. 20 milyon manat nizamnamə kapitalı və 28 milyon manat ümumi aktivləri ilə "Paşa Sığorta" kapitallaşdırmanın həcminə görə ölkənin ilk üç sığortaçısı siyahısına daxil olmaqla, sığorta sektorunda biznesin rentabelliyini qorumaqda ən yüksək göstəricilərə malikdir. Şirkətin nizamnamə kapitalı 20 milyon manatdır.
2007-ci ildən "Paşa Sığorta" Böyük Britaniyanın "Moody International" agentliyi tərəfindən sığorta məhsullarının ISO 9001:2000 keyfiyyət idarəetmə standartlarına və xidmətlərinə uyğunluq səviyyəsinə görə sertifikatla təltif olunub. 2009-cu ildən etibarən "Paşa Sığorta" BMT-nin insan hüquqlarının, ətraf mühitin müdafiəsi və korrupsiyanın qarşısının alınması üzrə Qlobal Müqaviləsinin (UN Global Compact Initiative) iştirakçısıdır.
Martın 4-də rəsmi məzənnə 0,794 AZN/USD təşkil edir.
