Azərbaycan, Bakı, 9 mart /Trend, müxbir Ü.İsmayılova/
Fevralda Bakıda bir sot torpağın orta qiyməti 0,8 faiz azalaraq 14426 dollardan 14310 dollara çatıb. Bu barədə çərşənbə günü "Əmlak Bazarı İştirakçıları" İctimai Birliyindən bildiriblər.
Məlumatda bildirilir ki, Bakının torpaq bazarında qiymətlərin aşağı düşməsinin əsas səbəbi tələbin kəskin azalmasıdır.
Aşağıdakı cədvəldə şəhər zonaları üzrə qiymət dəyişiklikləri göstərilib:
|
Şəhər zonaları |
Qiymətlər $/sotla |
Orta qiymətlərdə dəyişikliklər % lə |
|
I |
171985 |
-0,1 |
|
II |
96769 |
-0,2 |
|
III |
18821 |
-0,4 |
|
IV |
3502 |
-0,3 |
Fevral ayında qiymət artımı əsasən Qaradağ rayonunda - 1,2 faiz, Sabunçu rayonunda - 1,2 faiz müşahidə olunub. Torpaq bazarında daha fəal rayonlar Binəqədi və Xətai rayonları olub. Ən passiv rayon Nərimanov rayonu olub.
Fevralda ən bahalı torpaq sahəsi Bakının Nəsimi rayonundakı torpaq bazarında təklif olunub - bir sotu 230 min dollar, ən ucuz isə Abşeron rayonunda - bir sotu 350 dollar.
Fevralda Bakının torpaq bazarında 781,6 hektar torpaq təklif olunub ki, onun da 78,1 faizi boş sahələr, qalanı isə yeni və köhnə yaşayış sahələrinin payına düşür.
Bazarda torpağın ekspozisiya müddəti əvvəlki ayla müqayisədə 1,2 faiz artıb.
