Azərbaycan, Bakı, 11 mart /Trend, müxbir İ.Xəlilova/
2011-ci il martın 1-nə olan məlumata əsasən, Azərbaycanın "Texnikabank" bankının aktivləri fevral ayı ərzində 4,5 faiz artaraq 519,39 milyon manat təşkil edib. Bu barədə cümə günü bankdan məlumat verilib. Aktivlər üzrə gəlir (ROA) 0,49 faiz, kapital üzrə (ROE) 3,48 faiz təşkil edib.
Bankın nizamnamə kapitalı 53,69 milyon manat, ümumi kapitalı 2,8 faiz artımla 66,37 milyon manat təşkil edib.
Martın 1-nə olan məlumata əsasən, bankın depozit portfeli 0,2 faiz azalaraq 247,6 milyon manat olub. Fiziki şəxslərin əmanətləri 1,5 faiz artaraq 187,53 milyon manat təşkil edib. Bankın ümumi öhdəlikləri 4,9 faiz artaraq 432,95 milyon manat səviyyəsində olub.
Bankın kredit portfeli (rezervlər və banklararası kreditlər nəzərə alınmadan) fevral ayında 3,4 faiz artaraq 352,22 milyon manat təşkil edib və burada problemli kreditlərin payı (ödəniş vaxtının 90 gündən çox keçməsi zamanı) 5,05 faizə çatır (17,79 milyon manat). Texnikabank 29,5 milyon manat həcmində (6,65 faiz artımla) istehlak kreditləri verib.
Hesabat dövründə bankın gəlirləri 8,29 milyon manat təşkil edib, o cümlədən faiz gəlirləri 7,28 milyon manat, faizsiz gəlirlər 1,08 milyon manat. Bankın xərcləri 5,79 milyon manat təşkil edib.
Martın 1-nə olan məlumat əsasən, bankın xalis gəliri 2,496 milyon manat təşkil edib.
Bankın fəal plastik kartlarının sayı martın 1-nə olan vəziyyətə görə 49 560 ədəd təşkil edib. "Texnikabank" ölkə üzrə 62 bankomat, 102 POS-terminal quraşdırıb. Bankın 35 filialı və 5 şöbəsi var.
"Texnikabank" bank bazarında 1993-cü ildən fəaliyyət göstərir və 2007-ci ilədək 100 faiz Azərbaycan bankı olub. Bu gün bankın majoritar səhmdarı kimi "World Wines" şirkəti çıxış edir. Şirkət bankın səhmlərinin 75 faizinə sahibdir. Bankın Müşahidə Şurasının sədri Etibar Əliyev səhmlərin 15 faizinə, ABŞ-ın "Kazimir Investment Caspian Fund" holdinqi isə səhmlərin 10 faizinə nəzarət edir.
Martın 11-nə olan rəsmi məzənnə 0,7933 AZN/USD təşkil edir.