Azərbaycan, Bakı, 17 mart /Trend/
Azərbaycan Nəqliyyat Nazirliyi BMT-nin Avropa İqtisadi Komissiyası çərçivəsində Yol Hərəkəti Təhlükəsizliyi üzrə İşçi Qrupunun 61-ci sessiyasında iştirak edəcək. Trend-in məlumatına görə, bu barədə nazirliyin cümə axşamı yaydığı məlumatda deyilir.
Məlumata əsasən, sessiya martın 21-23-də Cenevrədə keçiriləcək. İclas zamanı işçi qrupun sədr müavini vəzifəsinə seçkilərin də keçiriləcəyi gözlənilir.
İşçi qrupun son iclası ötən ilin 27-30 sentyabrında Cenevrədə keçirilib.