Azərbaycan, Bakı, 28 mart /Trend, müxbir Ü.İsmayılova/
Azərbaycanın sığorta şirkəti "Az Sığorta" Maliyyə Nazirliyinə "Az Həyat" həyat sığortası şirkətinin yaradılmasına lisenziyanın alınması üçün müarciət edib. Bu barədə bazar ertəsi Trend-ə ölkənin sığorta bazarındakı mənbə deyib.
"Şirkət Maliyyə Nazirliyinə 2010-cu ilin dekabrında müraciət edib, lakin sənədlər tamamlanmaq üçün qaytarılmışdı", - mənbə bildirib.
Onun sözlərinə görə, şirkət yaxın vaxtlarda lisenziya alacağını gözləyir. "Az Həyat"ın təsisçisi qismində "Az Sığorta" çıxış edəcək. Şirkətin kapitalı Azərbaycan Maliyyə Nanzirliyinin yeni yaradılan sığorta şirkətlərinə olan tələbinə əsasən, 5 milyon manat məbləğində formalaşacaq.
"Az Sığorta" ölkənin sığorta bazarında 2006-cı ilin noyabrından fəaliyyət göstərir. Şirkət sığortanın 35 növü üzrə xidmətlər göstərir. "Az Sığorta" ASC-nin ödənilmiş nizamnamə kapitalı 9,446 milyon manat təşkil edir. Yanvar-fevralda şirkətin sığorta haqları 0,3 milyon manatlıq ödənişlə 1,837 milyon manat təşkil edib.
Hazırda ölkədə həyat sığortası üzrə 3 şirkət - "Atəşgah Həyat", "Qala Həyat" və "Paşa Həyat" fəaliyyət göstərir.
Martın 28-nə olan rəsmi məzənnə 0,7932 AZN/USD təşkil edir.
