...

Azərbaycanlı sərmayədarlar Kobuletidəki turizm zonasında iştirakda maraqlıdırlar

Biznes və iqtisadiyyat xəbərləri Materials 2 May 2011 13:31 (UTC +04:00)

Trend-i buradan izləyin

Gürcüstan, Tbilisi, 2 may /Trend, müxbir N.Kirsxaliya/

Kobuletidəki turizm zonasına dörd sərmayədarın daxil olması mümkündür. Azərbaycanın özəl şirkətləri ilə danışıqlar aparılır. Bu barədə Trend-ə Acariyanın İqtisadiyyat və Maliyyə Nazirliyindən məlumat verilib. Lakin nazirlikdə Azərbaycandan olan məhz hansı şirkətlərlə danışıqlara başlanıldığı dəqiqləşdirilməyib.

Hazırda turizm zonasında üç mehmanxananın tikintisi aparılır. Onlardan ikisini "Eksko Corciya", birini isə "İnşaatçı 10" tikir. Kobuleti turizm zonasında 30 mehmanxana tikilməlidir.

Azərbaycanlı sərmayədarlara Gürcüstanın turizm zonalarında iştirak etməyi ötən həftə ölkənin iqtisadiyyat naziri Vera Kobaliya təklif edib.

Hökumət sərmayədarlara güzəştlər də təklif edir. Onlara torpaq, layihələr və bütün kommunikasiyalar pulsuz veriləcək. Bundan əlavə, investorlar 15 il ərzində mənfəət və əmlak vergilərindən azad olunacaqlar.

Xəbər lenti

Xəbər lenti