Azərbaycan, Bakı, 3 may /Trend, müxbir N.İsmayılova/
Üç auditor şirkəti Azərbaycan Beynəlxalq Bankının (ABB) özəlləşdirilməsi və nizamnamə kapitalında dövlətin payının azaldılması (dövlətsizləşdirmə) prosesində xidmətlərin göstərilməsi ilə bağlı məsləhətçi seçimi üzrə tenderdə iştirak etmək üçün ərizə verib. Trend-in məlumatına görə, bu barədə çərşənəb axşamı Azərbaycanın maliyyə nazirinin müavini Azər Bayramov bildirib.
"Bu gün tender təkliflərinin açılışı keçiriləck. Tenderdə "PriceWaterhouseCoopers", "Ernst & Young" şirkətləri və İngiltərənin bir auditor şirkəti iştirak edir. "Deloitte" şirkəti ABB-nin auditoru olduğundan öz ərizəsini geri götürüb", - nazir müavini bildirib.
Bayramovun sözlərinə görə, ABB-nin tam və ya qismən özəlləşdirilməsi məsləhətçilərin təklif etdikləri layihələrdən asılı olacaq.
"Söhbət dövlətdə səhmlərin nəzarət paketinin qalmamasından gedir", - nazir müavini bildirib.
Hazırda "Deloitte" auditor şirkəti ABB-nin 2010-cu il üzrə fəaliyyətinin yekunlarına dair hesabat hazırlayır.
Ötən ili ABB 5 527,92 milyon manatlıq aktivlərlə başa vurub ki, bu da 2009-cu ildəki analoji göstəricidən 8,99 faiz çoxdur.
ABB yarıdövlət bankıdır, bu gün əsas səhmdarı səhmlərin 50,2 faizinə sahib olan Azərbaycan hökuməti olaraq qalır. 49,8 faiz isə fiziki və hüquqi şəxslərə (həmçinin banklara) məxsusdur.
Mayın 3-nə olan rəsmi məzənnə 0,7913 AZN/USD təşkil edir.
