Azərbaycan, Bakı, 5 may /Trend, müxbir N.İsmayılova/
Aprel ayında Azərbaycanın vergi orqanlarında iri beynəlxalq tikinti şirkəti DEPA-nın nümayəndələyi dövlət qeydiyyatından keçib. Trend-in məlumatına görə, bu barədə cümə axşamı nazirliyin saytında yerləşdirilən məlumatda deyilir.
Nümayəndəlik "DEPA Interiors" MMC (BƏƏ) tərəfindən təsis olunub. Şirkətin qanuni sahibi Böyük Briyaniya vətəndaşı Pol Ostindir. Təşkilat kommersiya fəaliyyəti üçün dövlət qeydiyyatından aprelin 20-də keçib. Müəssisənin nizamnamə kapitalı 10 manatdır.
İlin birinci rübündə DEPA şirkəti Azərbaycanda bir sıra müqavilələr imzalayıb. Onlar arasında Baku Flame Towers (layihənin dəyəri təxminən 33 milyon dollar), JW Marriott Hotel (11 milyon dollar), Port Baku (7,3 milyon dollar) təchizatı və interyeri var.
DEPA Dubayda və bütün dünyada beşulduzlu hotellərin, yaxtaların, mənzil və digər fərdi və dövlət obyektlərinin tammiqyaslı işlənməsində və mebellə təchiz edilməsində ixtisaslaşıb. Şirkətin fəaliyyəti Avropa, Afrika, Asiya ölkələrini əhatə edir. Şirkətin mənzil-qərargahı Dubayda yerləşir.
Mayın 5-nə olan rəsmi məzənnə 0,7912 AZN/USD təşkil edir.
