Azərbaycan, Bakı, 11 may /Trend, müxbir İ.Xəlilova/
Azərbaycan Lizinq Şirkətləri Assosiasiyası (ALŞA) üzvlərinin sayının daha iki şirkətlə artacağını gözləyir. Bu barədə Trend-ə assosiasiya rəhbəri Elçin Əhmədov deyib.
"Yaxşı olardı ki, bu il assosiasiyanın sıraları, xüsusilə də 2009-2010-cu illərdə bazara daxil olan lizinq şirkətləri ilə artsın, - Əhmədov bildirib. - Onlar da ALŞA üzvləri olmaqda maraqlıdırlar, lakin hələ ki son qərar qəbul etməyiblər".
Hazırda assosiasiyanın 9 tamhüququlu üzvü və 2 müşahidəçi üzvü var.
"Biz bu il assosiasiya üzvlərinin sayının genişləndirilməsi məsələsini həll etmək istəyirik", - ALŞA rəhbəri bildirib.
Assosiasiya 2004-cü il oktyabrın 27-də "Ataleasing", "Unileasing", "Muğanleasing" şirkətləri tərəfindən Beynəlxalq Maliyyə Korporasiyasının Azərbaycanda lizinqin inkişafına texniki yardım layihəsi çərçivəsində təsis edilib. ALŞA-nın illik üzvlük haqqı 200 min manatdır.
Azərbaycanın lizinq bazarı 22 lizinqə verənlə təmsil olunub, lakin hazırda aktiv fəaliyyəti lizinq xidmətləri təqdim edən 11 şirkət və bank həyata keçirir.
Assosiasiyanın üzvləri: Joint Leasing, AG Leasing, AtaLeasing, DemirBank, Bank of Baku, Credagro, UniLeasing, Standard Leasing, Qafqaz Leasing, müşahidəçi qismində ASB Bank və Nikoil Leasing.
