Azərbaycan, Bakı, 16 may /Trend, müxbir A.Axundov/
Apreldə sənaye mallarının istehsal qiymətlərinin indeksi martla müqayisədə 6,3 faiz, ötən ilin aprelinə nisbətdə 23,3 faiz artıb. Bu barədə Dövlət Statistika Komitəsinin məlumatında bildirilir.
Yanvar-apreldə qiymətlər ötən ilin analoji dövrü ilə müqayisədə 23,3 faiz artıb.
Neft və qaz hasilatı sahəsindəki qiymətlər, hasilat sənayesinin neft və qaz sahələrində istehsal qiymətləri ay ərzində 7,5 faiz artıb.
Apreldə metallurgiya sənayesində qiymətlər 21,5 faiz, əyirici sənayedə 18,6 faiz, kompüter və digər elektrik avadanlığının istehsalı 8,5 faiz, rezin və plastik məmulatların istehsalı 5,6 faiz, kimya sənayesinin istehsalı 3,9 faiz, elektrik avadanlığın istehsalı 1,8 faiz, geyim istehsalı 1,2 faiz, ərzaq mallarının istehsalı 1,3 faiz, ağac emalı və ağacdan hazırlanan məmulatlar 1 faiz, maşın, avadanlıqdan başqa hazır metal məmulatlarının istehsalı 0,7 faiz, mebel və içkilərin istehsalı 0,6 faiz, kağız və karton istehsalı 0,3 faiz artıb.
Maşın və avadanlıq istehsalı sahəsində qiymətlər ay ərzində 4 faiz, tütün məmulatları 2,1 faiz, tikinti materialları, 1,2 faiz, dəri, dəri məmulatları və ayaqqabı və poliqrafiya fəaliyyəti sahəsində qiymətlər 0,2 faiz azalıb.
Aperldə su təchizatı, tullantıların təmzilənməsi və emalı sahəsində istehsal qiymətləri dəyişməyib, elektrik enerjisinin, qazın, suyun istehsalı və paylanması sahəsində qiymətlər 0,1 faiz artıb.
