Azərbaycan, Bakı, 11 iyun /Trend, müxbir A.Axundov /
Azərbaycanda qiymətləndirmə fəaliyyətinin istiqamətlərindən biri ölkədə mənizl fondunun inventarizasiyası və mənzillərin tikintisi haqqında geniş statistik bazanın formalaşdırılmasıdır. Bu barədə ölkənin Mərkəzi Bankı yanında Azərbaycan İpiteka Fondunun icraçı direktorunun müavini Rəhman Hümmətov bildirib.
Onun sözlərinə görə, sənəddə müəyyən olunan qiymətləndirmə fəaliyyətinin digər inkişaf istiqamətləri bazar haqqında geniş və dolğun statistik baza öz əksini tapa biləcəyi mənzil bazarı üzrə tələb və təklif haqqında vahid informasiya portalının yaradılması, müstəqil qiymətləndiricilərin məsuliyyətinin qiymətləndirilməsi, daşınmaz əmlak bazarında rieltor institutlarının formalaşması, müstəqil qiymətləndiricilər üçün xüsusi kurslar, seminarlar və məqsədli təhsilin həyata keçirilməsidir.
"Müstəqil qiymətləndiricilərin fəaliyyətində başlıca çatışmazlıq ipoteka obyektlərinin yüksək qiymətləndirilməsi, ipoteka kreditinin qiymətləndirilməsi zamanı real sənədlərə əsaslanmadan əmlak sənədindəki məlumatlardan istifadə, ipoteka obyektinin yerləşdiyi ərazinin qeyri-dəqiq fotoşəkli və xəritəsi, qiymətlərin məntiqi əsaslandırılmamasıdır", - Hümmətov deyib.
Azərekspertiza, Azintellekt servis, Biləndər, İVC-beynəlxalq qiymətləndirmə mərkəzi, İntegris, Koneko, MBA LTD, MAK Consultancy Baku, REC İnvest, Real Prays, Vesco AİF-in müvəkkil agentləidir.
Azərbaycanda qiymətləndirmə fəaliyyəti 1995 -ci ildə qəbul edilmiş "Qiymətləndirmə fəaliyyəti haqqında" qanunla tənzimlənir.
Hazırda Milli Məclisdə "Qiymətləndirmə fəaliyyəti haqqında" qanuna düzəliş və əlavələr layihəsinin müzakirəsi davam edir.
