Azərbaycan, Bakı, 24 iyun /Trend, müxbir A.Axundov/
Mayda Bakıda tikinti materialları aprel ayı ilə müqayisədə 0,87 faiz artıb. Bu barədə "Əmlak Bazarı İştirakçıları" İB-dən deyiblər.
Qiymətlər ilin əvvəli ilə müqayisədə 14,4 faiz, ötən ilin analoji dövrünə nisbətən 21,8 faiz artıb.
Məlumatda deyilir ki, yanvarda ümumi dəyər portfelində yerli tikinti materiallarının bazardakı payı idxal olunan malların payını 1,16 dəfə üstələyib.
İB-nin monitorinq qrupu 38 adda 88 növdə materialın qiyməti üzrə araşdırma aparıb.
Aparılan araşdırmalara görə, Azərbaycanın tikinti materialları bazarında mövsüm üçün xarakterik olan nisbi fəallıq müşahidə edilib.
Araşdırmalar göstərib ki, bazarda fevraldan başlayan qiymət artımı mayda da davam edib.
"Bahalaşma əsasən rəngləmə məhsullarında müşahidə olunub. Aprellə müqayisədə qiymətlər 10-15 faiz artıb. Yerli istehsalçılar bunu ölkəyə gətirilən və istehsalatda istifadə olunan (titan, alkid, tutkal) məhsulların qiymətlərinin dünyanın kimya məhsulları bazarında bahalaşması ilə əlaqələndirirlər", - məlumatda deyilir.
Ümumi cədvəldə ucuzlaşan inşaat materialları göstərilib (faizlə):
|
Mişar daşı |
-11,11 |
Sink təbəqə |
-0,58 |
|
Künyə |
-1,71 |
Şüşə |
-0,50 |
|
Şveller |
-0,82 |
Ümumi cədvəldə bahalaşan inşaat materialları göstərilib (faizlə):
|
Qum |
+9,30 |
Katanka |
+8,11 |
|
Çınqıl |
+14,29 |
Şifer |
+1,85 |
|
Taxta |
+2,00 |
Alkapon |
+1,09 |
|
Dəmir təbəqə |
+3,19 |
Digər tikinti materiallarının qiymətləri sabit qalıb.