...

Azərbaycanın iri sığorta şirkəti bütün ölkəni filiallarla əhatə etməyi planlaşdırır

Biznes və iqtisadiyyat xəbərləri Materials 18 İyul 2011 19:11 (UTC +04:00)

Trend-i buradan izləyin

Azərbaycan, Bakı, 18 iyul /Trend, müxbir A.Axundov/

Azərbaycanın "Paşa Sığorta" sığorta şirkəti bütün ölkəni filiallarla əhatə etməyi planlaşdırır. Bu barədə Trend-ə şirkətin idarə heyətinin sədri Nofəl Rzayev bildirib.

"Noyabrda şirkətin yeni beşillik strategiyası təsdiqləndikdən sonra biz addımbaaddım ölkəni filikal şəbəkəsi ilə əhatə etməyə başlayacağıq. Əvvəlcə regional alt mərkəzlər yaradılacaq və s." - Rzayev deyib.

Onun sözlərinə görə, hazırda şirkətin bir neçə xidmət məntəqəsi var, şirkət onların vasitəsilə polisləri öz müştərilərinə çatdırır, çünki bütün polislər mərkəzləşdirilmiş şəkildə buraxılır.

"Bu gün bizdə filiallar yoxdur və ilin sonunadək onların açılması planlaşdırılır", - Rzayev deyib.

Onun sözlərinə görə, indi bəzi şirkətlər regionda sadəcə sığorta polislərinin buraxılış nöqtələrini yaradırlar ki, bu da qanunvericiliyə uyğun deyil.

"Qanunvericiliyə görə, əgər siz sığorta polisi buraxırsınızsa, onda orada filial olmalıdır. Bunun üçün başqa status yoxdur. Qanunvericiliyə əsasən, Azərbaycanda sığorta şirkəti, sığorta şirkətinin filialı və nümayəndəlik statusa malikdir", - Rzayev bildirib.

"Paşa Holdinq" qrupunun üzvü olan "Paşa Sığorta" 2006-cı il martın 3-də yaradılıb. Sığortanın 30 növü üzrə korporativ və fərdi müştərilərə xidmətlər göstərir. Nizamnamə kapitalı 30 milyon manatdır. "Paşa Sığorta" kapitallaşmanın həcminə görə ölkənin sığorta bazarının lideridir.

İyulun 18-nə olan rəsmi məzənnə 0,7862 AZN/USD təşkil edir.

Xəbər lenti

Xəbər lenti