Azərbaycan, Bakı, 1 avqust /Trend/
"Parabank" "Western Union"la birgə Azərbaycanda "bəli! Mən dostlarımı gətirib uduşlar uda bilərəm" adlı milli kampaniyası çərçivəsində birinci lotereya oyununu keçirib. Trend-in məlumatına görə, bu barədə bankın bazar ertəsi yaydığı məlumatda deyilir.
Beləliklə, 1-ci lotereya oyunu 15 İyun 2011-ci il tarixində "Excelsior" mehmanxanasında kecirilmişdir. Keçirilən lotereya oyununda 5 hədiyyədən 3-nü "Parabank"dan Azər Cavadov, Kamin Bağırov və Sadiq Səfiyev müvafiq olaraq Parabank-ın Mərkəzi Aparatında, Gəncə və Bərdə filiallarında Western Union vasitəsilə pul köçürməsi edib, lotereyada iştirak etdilər və kampaniyada qalib qəldilər. Digər qaliblər isə 1 Demirbank 1 Exspressbankın müştəriləri oldu.
1-ci turda qalib gələn iştirakçılara 27 Iyul 2011-ci tarixində "Excelsior" mehmanasında 1000 Azn məbləğində pul mükafatları təntənəli surətdə təqdim olunmuşdur.
Qeyd edək ki, tezliklə "Bəli! Mən dostlarımı gətirib uduşlar uda bilərəm" adlı promo-kampaniyası çərçivəsində keçirilən lotereyanın 2-ci turunun qalibləri məlum olacaq.
Əlavə məlumat üçün Parabankın 139 Məlumat Mərkəzinə müraciət edə bilərsiniz.