Azərbaycan, Bakı, 4 avqust /Trend, müxbir N.İsmayılova/
2011-ci il iyulun 1-nə olan məlumata görə, Azərbaycan banklarının ümumi aktivləri 13,141 milyard manat təşkil edərək ilin əvvəli ilə müqayisədə 1,1 faiz azalıb. Bu barədə cümə axşamı Azərbaycan Mərkəzi Bankından (AMB) deyiblər.
İyunun 3-nə olan məlumata görə, onların ümumi həcminin 91 faizi (8,41 milyard manat) standart keyfiyyətli aktivlərin payına düşür. İlin əvvəlində bu göstərici 93,7 faiz (11,15 milyard manat) olub. Qeyri-standart aktivlərin payına 9 faiz (778,61 milyon manat) düşüb. 2011-ci ilin əvvəlində bu göstərici 6,3 faiz (749,73 milyon manat) olub. Qeyri-qənaətbəxş keyfiyyətli aktivlər 3,6 faiz (310,43 milyon manat) təşkil edib. Bu, müvafiq olaraq 2,5 faiz (302,12 milyon) manat olub.
2,8 faiz (245,75 milyon manat) təhlükəli aktivlərin payına düşür. Bu göstərici 2011-ci il yanvarın 1-də 2 faiz (239,38 milyon manat) təşkil edib. 2,6 faiz (222,44 milyon manat) etibarsız aktivlərin payına düşür. 2011-ci il yanvarın 1-də bu göstərici 1,7 faiz (208,16 milyon manat) təşkil edib.
AMB-nin məlumatına görə, ölkə banklarının ilk beşliyinin 7627,16 milyon manat və ya bank sisteminin bütün aktivlərinin 58,04 faizi qədər ümumi aktivləri var. 6-15-ci yerləri tutan bankların payına 3038,36 milyon manatlıq aktiv və ya sektor üzrə onların ümumi həcminin 23,12 faizi, 16-dan 30-dək yeri tutan bankların payına isə 1887,7 milyon manat (14,36 faiz) düşür.
31-dən 46-dək yer tutan bankların payına ümumi həcmin cəmi 4,47 faizi (587,87 milyon manat) düşür.
Azərbaycanda 44 bank fəaliyyət göstərir.
Avqqustun 4-nə olan rəsmi məzənnə 0,7864 AZN/USD təşkil edir.