Azərbaycan, Bakı, 7 sentyabr /Trend, müxbir E.İsmayılov/
Heydər Əliyev adına Beynəlxalq hava limanı ərazisində yeni təyyarə vağzalı kompleksinin tikintisi 2013-cü ilin ortalarında başa çatacaq. Bu barədə Trend-ə çərşənbə günü "Azərbaycan Hava Yolları" QSC-nin (AZAL) vitse-prezidenti Sabir İlyasov bildirib.
İlyasov deyib ki, hazırda yeni kompleksin tikintisi üzrə aktiv işlər aparılır və bu işlərin tamamlanması 2013-cü ilin ortalarına təsadüf edəcək.
Bir müddət əvvəl digər mənbə demişdi ki, planlara əsasən, yeni kompleksin istismara verilməsi 2013-cü ilin may ayına planlaşdırılır.
Yeni hava limanı 3 milyon sərnişinə xidmət edəcək. Kompleksin ümumi sahəsi 58 min kvadratmetr olacaq. Kompleksin dördmərtəbəli binası üçbucaq formasında tikiləcək.
Binada 18 eskalator və 20 sərnişin lifti quraşdırılacaq.