...

Azərbaycanda birjadankənar əməliyyatların xalis çəkisi 10 faizdən aşağıdır - QKDK

Biznes və iqtisadiyyat xəbərləri Materials 22 Sentyabr 2011 18:27 (UTC +04:00)

Azərbaycan, Bakı, 22 sentyabr /Trend, müxbir N.İsmayılova/

Azərbaycan mütəşəkkil birja bazarındakı əməliyyatların sayının xalis çəkisini qabaqcıl dünya təcrübələri səviyyəsinə çatdırıb. Trend-in məlumatına görə, bunu cümə axşamı jurnalistlərə Qiymətli Kağızlar üzrə Dövlət Komitəsinin (QKDK) sədri Rüfət Aslanlı deyib.

"Birjadankənar əməliyyatları mütəşəkkil bazara istiqamətləndirmək 2009-2010-cu illərdəki fəaliyyətimizin əsas istiqamətlərindən biri idi. Bu gün statistikanın göstərdiyi kimi, əməliyyatların 90 faizdən çoxu mütəşəkkil bazarda keçirilir", - Aslanlı bildirib.

Onun sözlərinə görə, qalan 10 faizə gəlincə, hətta ən inkişaf etmiş maliyyə bazarlarında belə yüzfaizlik göstərici olmur, çünki onlarda birbaşa investisiyalarla bağlı sövdələşmələr aparılır, strateji investorlar arasında səhm mübadiləsi mexanizmləri mövcuddur.

"Bu baxımdan birjadankənar bazarda əməliyyatların payına dair məqsədli göstərici əldə olunub və qabaqcıl dünya bazarlarında olan pay ilə uyğundur. Bu gün əsas məqsəd bu say göstəricisini keyfiyyətə çevirməkdir, yəni qiymətli kağızların qiymətinin tələb və təklif hesabına formalaşma imkanının təmin olunmasıdır", - Komitə sədri deyib.

Xəbər lenti

Xəbər lenti