Azərbaycan, Bakı, 30 sentyabr /Trend, müxbir A.Axundov/
Azərbaycan Mədəniyyət və Turizm Nazirliyinin məqsədi ölkəyə gələn turist axınını ildə 5 milyon nəfərə çatdırmaqdır. Bu barədə Trend-ə cümə günü mədəniyyət və turizm nazirinin müavini Vaqif Əliyev deyib.
"Hazırda Azərbaycana ildə təxminən 2 milyon turist gəlir", - Əliyev bildirib.
Onun sözlərinə görə, qarşıya qoyulmuş məqsədə 2015-ci ildə çatmaq olar, bunun üçün bu gün hər cür şərait var.
"Hazırda infrastruktur genişlənir, tarixi abidələr bərpa olunur, bu göstəricilərin əldə olunması üçün müxtəlif tədbirlər həyata keçirilir", - nazir müavini deyib.
Onun sözlərinə görə, cari ildə turist axını ötən illə müqayisədə 14-15 faiz artıb.
"Gələn il bu artım 20 faizə çata bilər", - Əliyev deyib.