Azərbaycan, Bakı, 5 oktyabr /Trend, müxbir A.Axundov/
Azərbaycanda "Aztrust Sığorta Agenti" sığorta agentliyi yaradılıb. Trend-in məlumatına görə, bu barədə çərşənbə günü ölkənin Vergilər Nazirliyinin rəsmi saytındakı "bir pəncərə" bölməsində deyilir.
Məlumata görə, agentlik sentyabr ayında vergi orqanlarında dövlət qeydiyyatından keçib.
Şirkət fiziki şəxs Fuad Tağıyev tərəfindən yaradılıb və o, həm də şirkətin qanuni nümayəndəsidir.
Ölkədə sığorta bazarının inkişaf etməsi ilə agent fəaliyyəti get-gedə daha sərfəli biznesə çevrilir. Agentliyin fəaliyyətinin prioritet istiqamətləri müştərilərlə kommunikasiyanın səmərəlilik səviyyəsinin daha da yüksəldilməsi, agent satışlarının yüksək səviyyəsini əldə etməyə imkan verən sistemin qurulması olacaq.
Bu gün "AXA MBASK", "Qarant Sığorta", Beynəlxalq Sığorta Şirkəti və başqa strukturlar agent şəbəkəsini fəal şəkildə genişləndirirlər.