Azərbaycan, Bakı, 14 oktyabr /Trend, müxbir N.İsmayılova/
Azərbaycan bankı "Nikoil Bank" əhalinin "Vadiə əd Damənə" islam bankçılığı məhsuluna marağının qorunub saxlandığını qeyd edir. Bu barədə cümə günü Trend-ə bankın Biznesin inkişafı departamenti yanında islam bankçılığı məhsullarının inkişafı üzrə aparıcı meneceri Anar Yusifzadə bildirib.
Məhsul özündə faizlərin hesablanmadığı əmanət depozitlərini ehtiva edir, vəsaitlər isə hesabdan istənilən vaxt silinə bilər. Bank məhsulu bazara cari ilin mayında çıxarıb.
Yusifzadənin sözlərinə görə, "Vadiə əd Damənə" islam bankçılığı məhsulu təcili olmadığından bu məhsul üzrə portfel daim dəyişir.
"Bu günədək "Nikoil Bank"da bu məhsul üzrə 100-dən çox hesab açılıb və onların ümumi məbləği 96 min manatdır", - o deyib.
Onun sözlərinə görə, iki həftə əvvəl məhsul üzrə portfel 79,5 min manat, ötən həftənin yekunu üzrə isə 98,2 min manat təşkil edib.
Statistik məlumatların göstərdiyi kimi, əhali tərəfindən məhsula maraq stabil olaraq qalır.
Hazırda "Nikoil Bank" belə xidmət göstərən ilk Azərbaycan bankıdır. Bundan əvvəl Əmrahbank, Turanbank, Texnikabank islam bankçılığı xidmətlərinin göstərilməsinə başlamaq üzrə niyyətlərini bəyan ediblər. Azərbaycan Beynəlxalq Bankı artıq bu gün islam bankçılığı xidmətlərinin tətbiqi üzrə məsləhətçi cəlb edib və müvafiq qanunvericiliyin hazırlanması təşəbbüsü ilə çıxış edib.
"Nikoil Bank" 1997-ci ildən, "Azərbaycan İnvestisiya Şirkəti Nikoil (Nikoil AİŞ) yaradılandan fəaliyyətə başlayıb. 1998-ci ildən Nikoil AİŞ "Ülpər" KB-nin səhmdarı olub. 2008-ci ildə "Topaz İnvestments" şirkəti tərəfindən "Nikoil" SKB-nın nəzarət paketinin alışından sonra o, səhmdarların tərkibinə daxil olub.
Sövdələşmənin imzalanmasından sonra səhmdarlar arasında iştirak payı aşağıdakı kimi paylanıb: "Topaz İnvestments" - 53,1 faiz, Nikoil QSC - 28,7 faiz, "Uralsib-İnvest" MMC - 13,9 faiz, ISR Holding - 4,3 faiz.
Oktyabrın 14-nə olan rəsmi məzənnə 0, 7869 AZN/USD təşkil edir.
