Azərbaycan, Bakı, 19 oktyabr /Trend, müxbir İ.Xəlilova/
2011-cu ilin sentyabrında istehlak mallarının qiymətləri və xidmət tarifləri avqust ayı ilə müqayisədə 1,1 faiz artıb, 2010-cu ilin yanvar-sentyabrına nisbətən isə inflyasiya 8,4 faiz təşkil edib. Bu barədə çərşənbə günü Trend-ə Azərbaycan Dövlət Statistika Komitəsindən bildirilib.
Sentyabrda ərzaq mallarının qiyməti 1,9 faiz, qeyri-ərzaq mallarının qiymətləri 0,4 faiz və xidmət tarifləri 0,1 faiz artıb.
2010-cu ilin yanvar-sentyabrına nisbətən ərzaq mallarının qiyməti 11,4 faiz, qeyri-ərzaq malları 2,8 faiz, xidmətlər isə 4,5 faiz bahalaşıb.
Sentyabrda mal və xidmətlərin çıxılması ilə hesablanan mövsümi dəyişikliklərə uğrayan (meyvə və tərəvəz) istehlak qiymətlərinin bazis indeksi və dövlətin tənzimlədiyi qiymətlər əvvəlki ayla müqayisədə 0,7 faiz, il ərzində isə 2010-cu ilin yanvar-sentyabrı ilə müqayisədə 5,9 faiz bahalaşıb.
