Azərbaycan, Bakı, 2 noyabr /Trend, müxbir A.Axundov/
Azərbaycan Dövlət Sosial Müdafiə Fondu (DSMF) ölkənin Hesablama Palatası ilə elektron informasiya mübadiləsinə keçən ilk struktur ola bilər.
Trend-in məlumatına görə, mövcud təşəbbüsü Azərbaycan Hesablama Palatasının 10 illiyinə həsr edilən təbdirdə DSMF sədri Səlim Müslümüov səsləndirib.
"DSMF ilə Hesablama Palatasının məlumat informasiya bazalarını birləşdirmək məqsədəuyğun olardı. Biz elektron formada informasiya mübadiləsi aparmalıyıq. Müvafiq razılıq var və yaxın gələcəkdə bu təşəbbüs işləməyə başlayacaq", - Müslümüov deyib.
O bildirib ki, maliyyə nəzarətinin avtomatlaşdırılması sosial sahədə bir çox pozuntuların qarşısını almağa imkan verəcək.
Hesablama Palatasının sədri Heydər Əsədovun sözlərinə görə, auditor yoxlamaları prosesinin avtomatlaşdırılması Palatanın əsas vəzifələrindən biridir.
"Dövlət Sosial Müdafiə Fondu bizim qurumla həmişə aktiv əməkdaşlıq edir. DSMF yoxlamaları pilot rejimdə avtomatlaşdırdığımız ilk struktur ola bilər", - Əsədov deyib.
Müslümovun sözlərinə görə, Hesablama Palatasının yoxlamalarının yekunlarına əsasən, icbarı sosial sığorta üzrə 40 milyon manat dəyərində ayrılmış məbləğlər bərpa edilib.
Noyabrın 2-nə olan rəsmi məzənnə 0,7868 AZN/USD təşkil edir.
