Azərbaycan, Bakı, 9 dekabr /Trend, müxbir A.Axundov/
Azərbaycan Dövlət Gömrük Komitəsi (DGK) noyabrda gömrük rüsümları və vergilərinin yığılması sayəsində dövlət büdcəsinə 95,42 milyon manat köçürüb. Bu barədə cümə günü DGK-nın saytında dərc edilən məlumatda deyilir.
Oktyabrda dövlət büdcəsinə ödənişlər 95,26 milyon manat təşkil edib.
Noyabrda gömrük rüsumlarından daxilolmalar 0,93 milyon manat, idxal edilən malların əlavə dəyər vergisi 81,11 milyon manat, aksiz üzrə 3,85 milyon manat, yol vergisi üzrə 1,19 milyon manat təşkil edib.
2011-ci il üçün DGK xətti üzrə ödənişlər proqnozu 1,14 milyard manat məbləğində müəyyənləşdirilib. Yanvar-oktyabrda ödənişlər 937,01 milyon manat, yanvar-noyabrda 1,03 milyon manat təşkil edib.
Ötən il DGK proqnozu 100,16 faiz yerinə yetirərək dövlət büdcəsinə planlaşdırılan 1,1 milyard manata nisbətdə 1 101,73 milyon manat köçürüb.
Dekabrın 9-na olan rəsmi məzənnə 0,7865 AZN/USD təşkil edir.
