Azərbaycan, Bakı, 10 dekabr /Trend, müxbir А.Аxundov/
Azərbaycan Əmək və Sosial Müdafiə Nazirliyinin istehsalatda bədbəxt hadisələrin sayını azaltmaq məqsədilə yaratmağı planlaşdırdığı Sosial Şura məsləhətçi struktur olacaq. Bu barədə Trend-ə şənbə günü Nazirlik yanında Dövlət Əmək Müfəttişliyi Xidmətinin rəis müavini Rauf Tağıyev bildirib.
"Sosial Şura əməyin mühafizəsi sahəsində vahid dövlət siyasətinin formalaşması üçün, bu siyasətin reallaşdırılması və təkmilləşdirilməsi məqsədilə məsləhətləşmələrin aparılması, əlaqələndirmə və əməkdaşlığın təmin olunması məqsədilə yaradılacaq", - Tağıyev deyib.
Şuranın əsasnaməsi artıq hazırdır və ilin sonunadək o, fəaliyyət göstərməyə başlayacaq.
Bu il istehsalatda bədbəxt hadisələr nəticəsində Azərbaycanda 83 nəfər həlak olub.
"Bu halların baş verdiyi müəssisələr arasında hələ istehsalatda bədbəxt hadisələrdən və peşə xəstəliklərindən icbari sığorta üzrə sığortalanmamış müəssisələr də var", - Tağıyev deyib.
"Hazırda həmin cərimələrin məbləğinin artırılması barədə təklif hazırlanır", - Tağıyev deyib.
Azərbaycanda hazırda həyat sığortası üzrə cəmi 3 şirkət fəaliyyət göstərir. Onlar istehsalatda peşə xəstəlikləri və bədbəxt hadisələr nəticəsində əmək qabiliyyətinin itrilməsi hallarından icbari sığorta üzrə xidmətlərin göstərilməsi üçün lisenziyaya malikdirlər. Bunlar "Atəşgah Həyat, "Qala Həyat" və "Paşa Həyat" şirkətləridir.
Dekabrın 10-na olan rəsmi məzənnə 0,7864 AZN/USD təşkil edir.
