...

Bank kreditlərinin 13 faizi Azərbaycan regionlarının payına düşür

Biznes və iqtisadiyyat xəbərləri Materials 6 Yanvar 2012 16:18 (UTC +04:00)

Trend-i buradan izləyin

Azərbaycan, Bakı, 6 yanvar /Trend, müxbir N.İsmayılova/

2011-ci ilin yanvar-noyabr aylarının yekunları üzrə Azərbaycanın regionlarında əhaliyə verilən kreditlər 1260,8 milyon manat və ya bankların kredit portfelinin ümumi həcminin 12,8 faizini təşkil edib. Trend-in məlumatına görə, bu barədə cümə günü Mərkəzi Bankın (AMB) statistik hesabatında deyilir.

Ötən il dekabrın 1-nə olan məlumata görə, ölkə üzrə kreditləşmənin ümumi həcmi 9852,8 milyon manat təşkil edib ki, burada milli valyutada verilən kreditlər 6271,6 milyon manat səviyyəsində olub. Bakı üzrə bu göstərici 8592 milyon manat təşkil edib ki, burada milli valyutada verilən kreditlərin payına 5338,7 milyon manat düşüb. Noyabrın yekunu üzrə ölkədə orta faiz dərəcəsi 16,3 faiz, Bakı üzrə 15,7 faiz təşkil edib.

Kreditləşmənin həcmi Abşeron iqtisadi rayonu üzrə orta faiz dərəcəsi 18,8 faiz olmaqla 279,9 milyon manat, Aran iqtisadi rayonu üzrə 21,9 faizlə 279,6 milyon manat, Dağlıq Şirvan iqtisadi rayonu üzrə 19,5 faizlə 31,6 milyon manat, Gəncə-Qazax iqtisadi rayonu üzrə 21,4 faizlə 268,5 milyon manat, Quba-Xaçmaz - 21,5 faizlə 100,4 milyon manat, Lənkəran - 24,6 faizlə 116,97 milyon manat, Şəki-Zaqatala - 21,5 faizlə 102,2 milyon manat, Yuxarı Qarabağ - 10,7 faizlə 10,7 milyon manat, Kəlbəcər-Laçın - 17,2 faizlə 2,1 milyon manat, Naxçıvan - 11,7 faizlə 68,7 milyon manat olub.

Yanvarın 6-na olan rəsmi məzənnə 0,7865 AZN/USD təşkil edir.

Xəbər lenti

Xəbər lenti