Azərbaycan, Bakı, 20 yanvar / Trend, müxbir E.İsmayılov/
Bakı Dənizkənarı Milli Park İdarəsi sərnişinlərə xidmət göstərmək üçün üç yeni gəmi alacaq. Bu barədə cümə günü Trend-ə idarə rəhbərinin müavini Nazim Məcidov bildirib.
Onun sözlərinə görə, gəmilərin ikisindən idarə tərəfindən gəzinti gəmisi, birindən isə gəmi-restoran kimi istifadə olunacaq.
İngiltərə istehsalı olan gəmilər Türkiyədə yığılır, onların Bakıya gətirilməsi yalnız yazda mümkün olacaq.
"Gəmilər martın sonu - aprelin əvvllərində alınacaq və idarəmizin balansında olacaq", - Məcidov deyib.