Azərbaycan, Bakı, 10 fevral /Trend, müxbir N.İsmayılova/
Azərbaycanın "Qarant Sığorta" şirkəti 2012-ci ildə filial şəbəkəsini genişləndirəcək. Trend-in məlumatına görə, bu barədə cümə günü jurnalistlərə şirkətin idarə heyəti sədri vəzifəsini icra edən Fuad Allahverdiyev bildirib.
"Ötən il Yevlaxda filialın açılması barədə qərar qəbul edilib, bu proses artıq başa çatmaqdadır və tezliklə filial fəaliyyətə başlayacaq", - Alalhverdiyev deyib.
Onun sözlərinə görə, 2012-ci ildə şirkət ölkənin şimalında, ola bilsin ki, Quba şəhərində və ölkənin cənub hissəsində filiallar açmağı planlaşdırır.
Bu gün şirkət Bakı, Gəncə və Şəkidə olmaqla üç filiala malikdir.
"Qarant Sığorta" sığorta şirkəti Azərbaycan Maliyyə Nazirliyindən sığorta fəaliyyətinə görə lisenziyanı 2007-ci ilin noyabrında alıb. "Qarant Sığorta" "ZQAN Holding"in tərkibinə daxildir.
Fevralın 10-na olan rəsmi məzənnə 0,7863 AZN/USD təşkil edir.
