Azərbaycan, Bakı, 15 fevral / Trend, müxbir N.İsmayılova /
Bakıda Azərbaycan-Hindistan ikitərəfli işgüzar görüşünün keçirilməsi planlaşdırılır. Trend-in məlumatına görə, bu barədə AZPROMO-nun çərşənbə günü yaydığı məlumatda deyilir.
Görüş 20 fevral tarixində İqtisadi İnkişaf Nazirliyinin dəstəyi ilə Azərbaycanda İxracın və İnvestisiyaların Təşviqi Fondu (AZPROMO) tərəfindən keçiriləcək.
Tədbirdə müxtəlif sektorlardan 15-ə yaxın hind iş adamının qatılacağı gözlənilir.
Tədbirlə bağlı əlavə məlumatı 012 5980147/48 (daxili 122) nömrəli telefonla almaq olar (əlaqəli şəxs: Fərid Nuriyev, faks: 012 5980152; e-mail: [email protected];).