...

Azərbaycan bankının aktivləri 166 milyon dolları ötüb

Biznes və iqtisadiyyat xəbərləri Materials 25 Fevral 2012 14:22 (UTC +04:00)

Azərbaycan, Bakı, 25 fevral /Trend, müxbir A.Axundov/

2012-ci il yanvarın 1-nə olan vəziyyətə görə, "RabitəBank" tərəfindən maliyyə sektoruna ayrılan kredit və avansların həcmi 9,271 milyon manat təşkil edib. Bankın müştərilərinə verilən kredit və avansların həcmi isə 89,122 milyon manat olub.

Trend-in məlumatına görə, bu barədə şənbə günü şirkətin rəsmi mətbuatda dərc edilən 2011-ci il üzrə balans hesabatında deyilir.

Ötən ilin sonuna olan aktivlərin ümumi həcmi 131,229 milyon manat təşkil edib, onlardan nağdsız pul vəsaitlərinin payına 3,445 milyon manat, qiymətli kağızlara investisiyalar 7,281 milyon manat, faiz öhdəliklərinə 8,735 milyon manat, əsas vəsaitlərə 6,873 milyon manat, qeyri-maddi aktivlərə 0,109 milyon manat, digər aktivlərə isə 2,059 milyon manat düşüb.

Azərbaycan Mərkəzi Bankının tələblərinə uyğun yaradılan müxbir hesablarında və məcburi ehtiyat fondlarında, müvafiq olaraq, 2,336 milyon manat və 1,998 milyon manat var.

Bankın öhdəliklərinin ümumi həcmi 2012-ci ilin əvvəlində 114,02 milyon manat səviyyəsində olub, onlardan müştərilərin depozitlərinin payına 76,884 milyon manat, maliyyə sektoru qarşısında öhdəliklərə 22,834 milyon manat, AMB-nin banka qarşı tələblərinə 10 milyon manat, faiz öhdəliklərinə 3,549 milyon manat, digər öhdəliklərə isə 0,753 milyon manat düşüb.

Müddətli depozitlər strukturunun payına 61,874 milyon manat, tələb olunanadək depozitlərin payına isə 15 milyon manat düşüb.

Şirkətin səhmdar kapitalı ötən ilin sonuna 13,471 milyon manat təşkil edib, ümumi ehtiyatlar 5,708 milyon manat, məcmu kapital isə 17,209 milyon manat səviyyəsində olub.

2011-ci ildə bankın xalis faiz gəlirləri 3,685 milyon manat, xalis əməliyyat xərcləri 4,873 milyon manat, digər xalis gəlirləri 4 milyon manat təşkil edib. Bank ili 1,465 milyon manat dəyərində zərərlə başa çatdırıb.

Bankın balans öhdəlikləri 2011-ci ilin sonuna 9,361 milyon manat təşkil edib, onlardan zəmanətlər və oxşar öhdəliklərin payına 3,138 milyon manat, kredit alətlərinın payına 4,651 milyon manat, forvard və fyuçers müqavilələrinin payına 1,572 milyon manat düşüb.

Xəbər lenti

Xəbər lenti