...

"Texnika Bank" 2013-ci ildən yeni bank bazarlarını mənimsəməyi planlaşdırır

Biznes və iqtisadiyyat xəbərləri Materials 27 Fevral 2012 17:52 (UTC +04:00)

Trend-i buradan izləyin

Azərbaycan, Bakı, 27 fevral /Trend, müxbir A.Axundov/

Azərbaycan bankı "Texnika Bank" 2013-cü ildə yeni bank bazarlarına çıxmağı mümkün hesab edir. Bu barədə bazar ertəsi Trend-ə bankın idarə heyətinin sədri Samir Hüseynov bildirib.

"Biz Rusiya və BƏƏ-də nümayəndəliklər açmağı planlaşdırırıq, lakin bu, 2013-cü ildən tezl olmayacaq", - Hüseynov qeyd edib.

"Texnika Bank" Türkiyə bazarında iştirak edən ilk Azərbaycan bankıdır. Bank 2011-ci ilin dekabrında İstanbulda ilk xarici nümayəndəliyini açıb.

Hüseynovun sölərinə görə, bank Türkiyədəki nümayəndəliyinin filial və ya törəmə banka çevrilməsini istisna etmir, lakin bu barədə danışmaq hələ tezdir.

"Biz əvvəlcə Türkiyə bazarını tam öyrənməliyik. Hazırda biz türk bankları ilə tanışlıq mərhələsindəyik, ayrı-ayrı layihələr artıq müzakirə edilir, lakin konkret sövdələşmələr bağlanmayıb", - Hüseynov deyib.

"Texnika Bank" Azərbaycan Beynəlxalq Bankı, Qafqaz İnkişaf Bankı, "Zamin Bank" və "Paşa Bank"dan sonra ölkədən kənarda təmsil olunan beşinci bankdır.

Xəbər lenti

Xəbər lenti