Azərbaycan, Bakı, 10 mart /Trend, müxbir Ə.Həsənov/
2011-ci ildə Azərbaycanın metallurgiya sənayesində istehsal olunan məhsulların dəyəri 293,3 milyon manat təşkil edib ki, bu da bir il bundan əvvəlkindən 1,6 dəfə çoxdur. Trend-in məlumatına görə, bu barədə "Nazirlər Kabinetinin 2011-ci ildə fəaliyyəti haqqında hesabat"da deyilir.
Polad boru məhsullarının istehsalı 81,6 min ton təşkil edib.
2012-ci ildə istehsalatın həcminin 100 min tonadək artırılacağı gözlənilir.
İstehsal olunan məhsulların əksər hissəsi (89 faiz) Rusiya, Qazaxıstan, Türkmənistan, Ukrayna, İran və Almaniya kimi ölkələrə ixrac olunub.
2011-ci ildə Azərbaycanda dəmir filizinin hasilat həcmi 214,3 min ton olub, ölkədə alüminium məhsullarının istehsalı 4,7 dəfə artıb.
Alüminium xammalından məhsulların istehsalı 8681 ton olub ki, bu da 2010-cu ildəkindən 85 faiz çoxdur.
2011-ci ildə qızıl xammalı hasilatı 1782,2 kiloqram, gümüş filizinin hasilatı isə 1216,2 kiloqram təşkil edib.
2003-cü ildə Azərbaycanda 127,4 min ton, 2004-cü ildə 171,9 min, 2005-ci ildə 234,5 min, 2006-cı ildə 268,1 min, 2007-ci ildə 184,3 min, 2008-ci ildə 203,4 min, 2009-cu ildə 96,4 min, 2010-cu ildə 131,4 min, 2011-ci ildə 176,7 min ton armatur istehsal olunub.