Azərbaycan, Bakı, 28 mart /Trend, müxbir A.Axundov/
Yanvarda Azərbaycan Mərkəzi Bankı (AMB) yanında Mərkəzləşdirilmiş Kredit Reyestri Xidmətinə 43 804 müraciət daxil olub. Trend-in məlumatına görə, bu barədə çərşənbə günü AMB-nin saytında yerləşdirilən məlumatda deyilir.
2010-cu ilin analoji dövr göstəricisi (28739) ilə müqayisədə xidmətə müraciətlərin sayı 1,52 dəfə artıb.
Cari ilin yanvarında xidmətə banklardan 43 702 sorğu daxil olub, 102 şəxs öz kredit hesabatını almaq məqsədilə müraciət edib.
Cari ilin yanvar ayının sonuna olan məlumata görə, kredit reyestrində haqqında məlumat olan borc götürənlərin sayı 1 201 258, kredit məlumatlarının ümumi sayı isə 2 952 422 təşkil edir.
Reyestrdə olan borc götürənlər üzrə məlumatların sayı 424 662 təşkil edir.
Mərkəzləşdirilmiş Kredit Reyestri Xidməti 2005-ci ilin martından fəaliyyət göstərir.
