Azərbaycan, Bakı, 14 aprel / Trend, müxbir Ə.Həsənov /
"СredАqro" bank olmayan kredit təşkilatının banka çevrilmək və səhmlərini Avropa Yenidənqurma və İnkişaf Bankına (AYİB) satmaq planları yoxdur. Bu barədə şənbə günü Trend-ə təşkilatdan məlumat verilib.
Bank olmayan kredit təşkilatı 2009-cu ildən banka çevrilmək prosesinə başlamalı, Azərbaycanın Mərkəzi Bankı və xarici investorlarla, o cümlədən AYİB-lə müvafiq məsləhətləşmələr aparmalı idi.
Bu günə "СredAqro" BOKT-nin kredit portfeli 19,588 milyon manat, lizinq portfeli isə 84 min manat təşkil edir.
"СredAqro" 2000-ci ildə ACDI/VOCA tərəfindən məhdud məsuliyyətli kredit təşkilatı kimi yaradılıb və elə həmin il Azərbaycan Mərkəzi Bankından lisenziya alıb.
