...

"Qarant Sığorta" riteylin inkişafına istiqamətlənib

Biznes və iqtisadiyyat xəbərləri Materials 14 May 2012 20:13 (UTC +04:00)

Azərbaycan, Bakı, 14 may /Trend, müxbir A.Axundov/

Azərbaycanın "Qarant Sığorta" şirkəti pərakəndə xidmətlərin inkişaf etdirilməsinə istiqamətlənib. Trend-in məlumatına görə, bu barədə bazar ertəsi jurnalistlərə şirkətin İdarə Heyətinin sədri Fuad Allahverdiyev bildirib.

"Bu gün müştəri bazamızın təqribən 80 faizi korporativ seqmentin payına düşür, riteylin payı isə yüksək deyil. Şirkət riteylin inkişafı ilə bağlı iş aparır, müvafiq məhsullar hazırlayır", - Allahverdiyev deyib.

Onun sözlərinə görə, xüsusən, şirkətin filial şəbəkəsinin genişləndirilməsi üzrə planları bununla bağlıdır. Şirkət 2012-ci ildə ölkənin şimalında, ola bilsin, Qubada və cənub bölgəsində filiallar açmağı planlaşdırır. Bu gün "Qarant Sığorta"nın dörd filialı (Bakı, Gəncə, Şəki və Yevlax) var.

"Portfeldə riteylin payının artırılması onun sabitliyini yüksəldir. Şirkətin portfelində nə qədər kiçik risklər olarsa, o bir o qədər sabit olar", - Allahverdiyev vurğulayıb.

Xəbər lenti

Xəbər lenti