Azərbaycan, Bakı, 22 may /Trend, müxbir Ə.Həsənov/
Azərbaycan Dövlət Şəhərsalma və Arxitektura Komitəsi dövlət büdcəsində nəzərdə tutulmuş vəsait hesabına Hacıqabul, Siyəzən, Yardımlı, Zərdab və Zaqatala şəhərlərinin müfəssəl planlaşdırma layihələri ilə birlikdə baş planlarının tərtibi işlərinin satın alınması üzrə tender elan edib. Trend-in məlumatına görə, bu barədə çərşənbə axşamı Komitənin yaydığı məlumatda deyilir.
İddiaçılar Azərbaycan dilində tərtib olunmuş tenderin əsas şərtlər toplusunu Komitəyə tenderdə iştirak etmək üçün yazılı müraciət etdikdən və hər bir lot üzrə 100 manatı məbləğində vəsaiti ödədikdən sonra ala bilərlər. Ödənilmiş iştirak haqqı heç bir halda geri qaytarılmır.
Keçirilən satın alma prosedurlarında iştirak etmək istəyənlər iddiaçı kimi qeydiyyata alınması üçün 21 iyun saat 16:00-dək Komitəyə müvafiq sənədləri təqdim etməlidirlər.
İddiaçılar tenderdə iştirak etmək üçün tender təklifini və tender təklifinin bank təminatını ikiqat zərfdə 2 iyul saat 16:00-dək Komitəyə təqdim etməlidirlər.
İddiaçıların təklifləri olan zərflər 3 iyul saat 16:00-da Komitənin iclas zalında tender komissiyası tərəfindən açılacaq.
Telefonlar: 595-89-27 (əlavə 2-32)
Əlaqələndirici şəxs - T.Əliyev
