Azərbaycan, Bakı, 3 iyul /Trend, müxbir A.Axundov/
Azərbaycanda daha bir bank olmayan kredit təşkilatı - "EMBAFİNANS" MMC qeydiyyatdan keçib. Trend-in məlumatına görə, bu barədə çərşənbə axşamı Azərbaycan Vergilər Nazirliyinin rəsmi saytının "bir pəncərə" bölməsində yerləşdirilən məlumatda deyilir.
Təşkilatın təsisçisi qismində fiziki şəxslər Elşad Abbasov və Məşhur Məmmədov çıxış edirlər, rəsmi nümayəndə isə Malik Mikayılovdur.
Müəssisə iyunun 25-də vergi orqanlarında dövlət qeydiyyatından keçib.
MMC-nin nizamnamə kapitalı 500 min manatdır.
Bundan başqa, "XƏZƏR FİNANS KREDİT İTTİFAQI" MMC iyunun 11-də 4400 manat həcmində nizamnamə kapitalı ilə qeydiyyatdan keçib.
Təsisçi qismində kredit ittifaqı üzvlərinin 11 fiziki şəxsi çıxış edir, rəsmi təmsilçi isə Kamil Əhmədovdur.