Azərbaycan, Bakı, 12 iyul /Trend, müxbir Ə.Həsənov/
2012-ci ilin II rübündə Azərbaycanın mənzil bazarında qiymətlər əvvəlki rübə nisbətən 0,5 faiz ucuzlaşıb. Trend-in məlumatına görə, bu barədə Dövlət Statistika Komitəsinin cümə axşamı yaydığı məlumatda deyilir.
Rüb ərzində təkrar mənzil bazarında qiymətlər əvvəlki rüblə müqayisədə 0,5 faiz ucuzlaşıb, ilkin mənzil bazarında isə 1,5 faiz bahalaşıb.
Təkrar mənzil bazarında aşağı keyfiyyətli mənzillərin qiymətləri 0,7 faiz, birtipli mənzillərin qiymətləri 0,3 faiz, yaxşı layihələndirilmiş mənzillərin qiymətləri 0,9 faiz, elit mənzillərin qiymətləri isə 0,8 faiz ucuzlaşıb.
İlkin mənzil bazarında birtipli mənzillərin qiymətləri 0,1 faiz, yaxşı layihələndirilmiş mənzillərin qiymətləri isə 3,6 faiz bahalaşıb.